Master-ის ინდუსტრიული დანიშნულების გამათბობლები

01 ნოე. 2016

Master Climate Solutions ჯგუფი უკვე 50 წელია მსოფლიო ლიდერია ინდუსტრიული პორტატული გამათბობლების წარმოებაში. კომპანია 1954 წელს დაარსდა აშშ-ში, ოჰაიოს შტატში. 1998 წლიდან კომპანიამ გააქტიურება გადაწყვიტა გლობალურ ბაზარზე, რასაც მოჰყვა 1998 წელს პოლონეთის, ხოლო 2000 წელს იტალიის წარმომადგენლობის და ქარხნების გახსნა. 2007 წელს კომპანიის ქარხანა იხსნება ჩინეთშიც, ხოლო 2015 წელს იტალიაში კომპანია ხსნის ახალ, უფრო დიდ და თანამედროვე ქარხანას, რათა დააკმაყოფილოს პროდუქტებზე გაზრდილი მოთხოვნა ევროპის მასშტაბით.

Master მომხმარებელს გათბობისა და გაგრილების პორტატული მოწყობილობების ფართო სპექტრს სთავაზობს. მოწყობილობების უმეტესობა ინდუსტრიული დანიშნულებისაა და კარგად ერგება ბიზნესის მოთხოვნებს მთელ რიგ შემთხვევებში. მირა, როგორც მასტერის ოფიციალური დილერი საქართველოში, შემდეგი სახის პროდუქციას წარმოგიდგენთ:

დიზელის პორტატული კალორიფერები გამოიყენება დიდი ფართების გასათბობად, იდეალურია მშენებლობებზე კედლების გამოსაშრობად და ზამთრის პერიოდში სამუშაო პირობების შესაქმნელად. პორტატული კალორიფერები ასევე აქტიურად გამოიყენება კარვებისა და სცენების გასათბობად. დიზელის კალორიფერები ორი ტიპისაა: პირდაპირი გათბობის და ირიბი გათბობის. პირდაპირის შემთხვევაში გამონაბოლქვი სითბოსთან ერთად გამოიყოფა, ამიტომ მათი გამოყენება მხოლოდ ისეთ ადგილებშია რეკომენდირებული, სადაც კარგი ვენტილაციაა, ან ადამიანები არ იმყოფებიან. ირიბი გათბობის შემთხვევაში გამონაბოლქვი საკვამური მილის საშუალებით ცალკე გამოიტყორცნება, რაც გარშემომყოფი ადამიანებისთვის ჰაერის დაბინძურებას გამორიცხავს.

ელექტრო კალორიფერები გამოიყენება შედარებით მცირე ფართებზე, სადაც ადამიანებს უწევთ ყოფნა. ისინი გამოირჩევიან ხმაურის დაბალი დონით და მაღალი ენერგოეფექტურობით.

ბუნებრივი აირის კალორიფერები გამოირჩევიან ეკონომიური წვით. ასეთი კალორიფერები მხოლოდ პირდაპირი წვის კამერითაა, რის გამოც მათი გამოყენება მხოლოდ ისეთ ადგილებშია რეკომენდირებული, სადაც ადამიანები არ იმყოფებიან ან კარგი ვენტილაციაა.

დიზელის და ელექტრო ინფრაწითელი გამათბობლები -  როდესაც მთლიან სივრცეს ვერ ვათბობთ ინფრაწითელი გამათბობელი საუკეთესო გადაწყვეტილებაა. ამ შემთხვევაში სითბო გადაეცემა მხოლოდ იმ ადამიანებს, რომელთა მიმართაც მიმართულია გამათბობელი და არ იკარგება სითბო მთლიანი სივრცის გასათბობად. ასეთი გამათბობლები იდეალურია ღია სივრცეებში ან დიდი ზომის ფართებში, სადაც მხოლოდ ერთ ადგილზე მყოფი ადამიანების გათბობაა საჭირო.

კომპანია მირა, როგორც MASTER-ის ოფიციალური დილერი საქართველოში, სრულ სერვისს უწევს ბრენდის პროდუქტებს. 

სხვა სიახლეები

07

თებ

---

2017

იატაკის გათბობის შესახებ

01

ნოე

---

2016

კონდენსაციური ქვაბის ტექნოლოგია და უპირატესობები

01

ოქტ

---

2016

აქცია მირაში!