წინამდებარე წესები და პირობები წარმოადგენს თქვენს, როგორც მომხმარებელსა და შპს „მირა"-ს შორის სავალდებულო ძალის მქონე შეთანხმებას, თუ მხარეთა შორის სხვა რამ არ არის დადგენილი.
ვებ-გვერდიდან გაკეთებულ შენაძენზე მოქმედებს წინამდებარე წესები და პირობები. მომხმარებლის მიერ საიტზე შესვლა/რეგისტრაცია, ინფორმაციის მიღება ან/და მომსახურების გამოყენება გულისხმობს შემდეგს:
-
მომხმარებელი თანახმაა დაიცვას წინამდებარე წესები და პირობები, მათ შორის ის სპეციფიკური რეგულაციები, რასაც შეიძლება ითვალისწინებდეს კონკრეტული პროდუქცია მის აღწერაში მითითებული წესების შესაბამისად;
-
ეთანხმება ნივთის დაბრუნების/შეცვლის პირობებს, კონფიდენციალურობის პოლიტიკას;
-
აცხადებს თანხმობას კომპანიამ დაამუშავოს მომხმარებლის პერსონალური ინფორმაცია პერსონალურ მონაცემთა დაცვის წესების შესაბამისად;
-
ვებ-საიტის გამოყენებით მომხმარებლები თანხმობას იძლევიან, რომ მათ მიერ მომსახურების გამოყენება შესაბამისობაშია და არ ეწინააღმდეგება მოქმედ კანონმდებლობას, შპს „მირა" პასუხს არ აგებს მომხმარებლის მიერ მომსახურების უკანონო ან არაავტორიზებულ გამოყენებაზე.
მომხმარებელი ვალდებულია რეგისტრაციისას და პროდუქციის შესყიდვისას მიუთითოს რეალური მონაცემები, წინააღმდეგ შემთხვევაში კომპანია უფლებას იტოვებს არ მოახდინოს ნივთის მიწოდება და არ დააბრუნოს გადახდილი თანხა, საჭიროების შემთხვევაში კი მიმართოს შესაბამის სახელმწიფო ორგანოებს.
შეკვეთის დასრულების შემდეგ მომხმარებელი გამოხატავს თანხმობას ამ შეთანხმებით გათვალისწინებულ პირობებზე, რის საფუძველზე შპს „მირა" უზრუნველყოფს შეკვეთილი პროდუქცია საკუთრებაში გადასცეს მომხმარებელს, ხოლო მომხმარებელი თავის მხრივ ვალდებულია სრულად გადაიხადოს შეკვეთის ფასი და დროულად მიიღოს ეს პროდუქცია.
შპს „მირა" უფლებამოსილია უარი განაცხადოს შეკვეთის შესრულებაზე მომხმარებლისათვის ყოველგვარი ახსნა–განმარტების მიცემის გარეშე და დაუბრუნოს მომხმარებელს მის მიერ გადახდილი თანხა (არსებობის შემთხვევაში), რის შესახებაც მომხმარებელს ეცნობება შეკვეთის განთავსებიდან 24 საათის ვადაში.
კონფიდენციალურობის პოლიტიკა
თითოეული მხარე კისრულობს ვალდებულებას დაიცვას კონფიდენციალობა და არ გაამჟღავნოს ის ინფორმაცია, რომელიც მათთვის ცნობილი გახდა წინამდებარე ურთიერთობის ფარგლებში და რომელიც არ არის საჯაროდ ხელმისაწვდომი საზოგადოებისთვის.
პერსონალური მონაცემების დაცვა
-
მომხმარებლის ნებისმიერი ინფორმაცია, რომელიც ეხება მის პერსონალურ მონაცემებს, კომპანიის მიერ გამოყენებული იქნება იმ ფარგლებში, რაც აუცილებელია მხარეთა შორის შესაბამისი ურთიერთობის წარმართვისათვის;
-
პერსონალური მონაცემების დამუშავება ხდება „პერსონალურ მონაცემთა დამუშავების შესახებ" საქართველოს კანონის შესაბამისად;
-
მონაცემების უსაფრთხოების დაცვის მიზნით მონაცემთა დამუშავებისას მიღებულია ისეთი ზომები, რომლებიც სათანადოდ უზრუნველყოფს მონაცემთა დაცვას;
-
პერსონალურ მონაცემთა დამუშავებაზე წვდომა აქვთ კომპანიის მხოლოდ იმ თანამშრომლებს, რომელთაც თავიანთი ვალდებულებებიდან გამომდინარე აღნიშნული ესაჭიროებათ სამსახურებრივი მოვალეობის შესასრულებლად.
დაბრუნების პირობები
ონლაინ შეკვეთის შემთხვევაში
„მომხმარებლის უფლებების დაცვის შესახებ" საქართველოს კანონის მე-13 მუხლის თანახმად, ამავე კანონის მე-14 მუხლით დადგენილი გამონაკლისების გარდა, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში.
ეს ვადა აითვლება:
- მომსახურების ხელშეკრულების შემთხვევაში − ხელშეკრულების დადებიდან;
- ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
- მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
- საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.
მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა მოვაჭრის მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან.
გამონაკლისები - მომხმარებელს არ აქვს უფლება, უარი თქვას ხელშეკრულებაზე, თუ:
- მოვაჭრემ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
- ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე;
- მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
- მიწოდებული საქონელი მალფუჭებადია ან მას მოკლე ვარგისობის ვადა აქვს;
- მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
- მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
- ხელშეკრულების პირობების შესაბამისად, მომხმარებელმა მოვაჭრე გადაუდებელი სარემონტო/ტექნიკური მომსახურების გასაწევად გამოიძახა;
- ხელშეკრულება საჯარო აუქციონის შედეგად დაიდო;
- კანონმდებლობით გათვალისწინებულ სხვა შემთხვევებში.
დამატებითი პირობები
პროდუქციის განვადებით შეძენის შემთხვევაში ურთიერთობები რეგულირდება მომხმარებელსა და ბანკს და სხვა შესაბამის ფინანსურ ორგანიზაციას შორის არსებული წესების მიხედვით.
მომხმარებელს არ აქვს უფლება მესამე პირს გაანდოს საკუთარი ანგარიშის სახელი და პაროლი. ეჭვის არსებობის შემთხვევაში, რომ მისი მონაცემები ცნობილი გახდა სხვა პირისათვის, მომხმარებელი ვალდებულია შეცვალოს პაროლი.
შპს „მირა" უფლებას იტოვებს, ნებისმიერ დროს ცალმხრივად, კანონმდებლობის მოთხოვნათა დაცვით, ამავე ვებ-გვერდზე გამოქვეყნების გზით, შეიტანოს ცვლილებები ამ წესებსა და პირობებში მომხმარებელის შემდგომი დამატებითი თანხმობის გარეშე.
+995 598 35 60 01
